نظرة ونظرة (322) /الشاعر صبري رسلان
نظرة و نظرة (322)
..................
لمحه نظره فأبتسامه
والعيون بتقول في يامه
نار وقايده من الغرام
طفي طفي مني قرب
قلبي قاللي أروح أجرب
وإبتدينا بالكلام
والكلام في شباكه يرسم
سكه سالكه ولا عوجه
أهي عالقه والسلام
تمضي تبصم شيك وكايش لأجل تبقى
لك مدام ..
سكه عوجه تروح في دوكه والتحرش صفحه
سوده تمشي
ضهرك للأمام
لمحه نظره فأبتسامه
حط لي ولا 100علامه
ألف لأ .. فدان ندامه
وفينه عقلي من زمان
علقه علقه بالحلال
ليا بيت وفيه مدام
كل شهر وأنت طيب
عالحديده بدون كلام
تطفي نار العزوبيه
ب100حريقه للمدام
كان رومانسي كان هديه
كاسره ضهره بالعيال
مره جالها في أيده ورده
نظرة واحده إتخض نام
إستقامه بدون دسامه
والغرام رچيمه بان
بقلم .. صبري رسلان
تعليقات
إرسال تعليق