ف. لحظه /الشاعر طاهر مختار عتيت

ف لحظه 5

ف لحظه تبتدي المفاجأة ونحس بعجزنا وفشالنا

ومش قادرين ناخد نفسنا بسبب كلمه أثرت ع أعصابنا

بعد ماخلاص اتعاهدنا وهاتحقق أحلامنا ونحس بنجاحنا

تبتدي تتغير المعامله بعد ما خلاص حبينا وعشقنا وعرفنا طريقنا

لكن نغدر ونخون ونخالف ضمايرنا لما نشوف الفلوس والفيلا والعربية وبسهوله ننهى كلامنا

وكل واحد فينا يختار سكه وندوس ع مشاعر غيرنا كإنه شخص غريب مش ف يوم كان يعشقنا

وبيحاول عشان يسعدنا ويفرحنا حتى لو بنفسه هايخدمنا ويرضينا ويفرح قلوبنا

لكن الطمع ملى عيونا ويسيطر ع أفكارنا وشغل عقولنا

لكن الحقيقة بنشاهدها بعيونا لما تختلف معاه المعامله يفضل بفلوسه يذلنا ويكسرنا

ويعيرنا بفقرنا وكل يوم مشكله تخالينا نخرج عن شعورنا

عشان ظلمنا حبيب وقدام الفلوس اتسرعنا وفاكرين أن السعاده بالمال ودا هايريحنا

لكن فجأة نقع من طولنا لما نحس أنه غدر بينا وخداعنا ومقدرش العشره وبفلوس دور ع غيرنا

ولحد النهارده مش قادرين نسامح أنفسنا ونفضل نفكر في الذكريات الحلوه اللي مرت من حياتنا

تبتدي تنزل دموعنا ونرضى بالاهانه عشان جرحنا ف البدايه غيرنا

ونشوف الخيانه قدام عينا نفضل الصمت ونتنازل عن كرامتنا

يارب اهدينا واسعدنا وابعد الطمع عن سكتنا وحافظ ع الناس  اللي تحبنا وتعشقنا

وريح قلوبنا واسعدنا ف الدنيا والآخرة واجعل الجنه من نصيبنا

شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا

وتحسن دايما من أخلاقنا وتذكرنا باللي خلقنا وداوي همومنا وأوجعنا..

مع فارس الكلمه.... الشاعر طاهر مختار عتيت

شاعر العصر.... الاحساس و بس

كفر الزيات.....اكوه الحصه

انتظروا الجديد