غيرتك شروع في قتل /الشاعر جمال زكى عينر
( غيرتك شروع في قتل ) :
غيري عليا باصول وعقل
غيرتك عليا شروع في قتل
بلاش تغيري غيرة جنان
من غير ثقة ومن غير امان
بالشكل ده راح تخسريني
وتشيب حياتنا قبل الأوان
بلاش غرور وما تفهميش
في الدنيا ديه غيرك مفيش
وان الحياه من غير وجودك
حتبقى صعبة ماقدرش أعيش
لا لا يا حلوه ما تحلميش
صحيح بحبك صحيح بجد
وحبي ليكي مالوهش حد
لكن حبيبتي غيرتك عليا
بالشكل ده وف كل وقت
بتهز حبي وتهده هد
بتشكي فيا منين ما اروح
خليتي قلبي مليان جروح
مع إني دايما باخلص في حبي
وبسرنا ابدا ما ابوح
غيري عليا كده واحده واحده
من غير مشاكل من غير مناهده
بلاش تخلي ظنك حقيقه
بلاش تحاسبي على كل شارده
غيري عليا وخليكي هاديه
وبحبي ليكي خليكي راضيه
يا ريت تخافي على قلب حبك
بلاش تكوني للغدر باديه
غيري عليا باصول وعقل
غيرتك عليا شروع في قتل
بقلمي الشاعر جمال زكي عينر
تعليقات
إرسال تعليق