وا مالي /الشاعر المغربي المبدع صقر الحروف الزجال المحجوب بوسبولة
/////////+++وا مالي +++/////////
وامالي غير نحكي و نبكي
ياكاسي ولوسادتي نشكي
مرة مرة ليك ندند ن
في حالي مسافر ونتمعن
في وجودك ياك شلى اقوال
انعاود لك تعاود ليا
نحكي قصة ماجرى بيا
جغمة جغمة ظاهرة وتبان
ناسي حالي وانا انسان
نص نص فايت لقياس وسط الناس
لحباب حاضرين جايين والجلاس
واش شميتي عبير دوك لحباب
وا دوك للي سدوا علينا الباب
مجمع للي كان ليه مقام
ما ردوا حبابي علينا كلام
كانوا هنا ورحلوا وللي كان كان
واليوم غطاهم داك الكثان
وافين جلستهم وفين مكانهم
واتلفات عليا سينتهم وكيسانهم
وادند ن عليا ند ند ن عليك
كاسي وتقول ليا اش بيك
بقلم صقر الحروف الزجال المحجوب بوسبولة
تعليقات
إرسال تعليق