اعتراف /الشاعر المصري المبدع جمال زكى عينر
( إعتراف ) :
انا بعترف
أنا كنت مجرم محترف
للعب بحروف الكلام
والكدب والزيف في الغرام
على ايدك انتي هديت وتبت
أصبحت إنسان مختلف
انا بعترف
أنا بعترف
لعبت بقلوب الصبايا
لفقت كام قصة وحكايه
والكدب كان عندي هوايه
معاكي إنتي صحيت وفقت
بجد تبت وبعترف
أنا بعترف
أنا بعترف
إن الصحيح هو الصحيح
ولا بد إني أكون صريح
والوهم عمره ما كان مريح
والحد عمره ما ييجي سبت
عمر الحقيقة ما تختلف
انا بعترف
خلص الكلام
مش باقي غير حب وهيام
مع اللي علمني الغرام
علمني إن الزيف حرام
وف ضله أنا مبسوط وارتحت
وبقيت أهو زي الألف
انا بعترف
أنا بعترف
بقلمي الشاعر جمال زكي عينر
تعليقات
إرسال تعليق