دروس الدنيا /الشاعرة المصرية المبدعه منى شحاتة

((دروس  الدنيا))

     اتعلمنا كتير ف الدنيا وخدنا فيها ...دروس

     دروس دفعنا فيها كتير بس ياريتها كانت...فلوس

     دروس من ناس عاشت على قلوبنا ...تدوس

     تدوس من غير رحمه ولاشفقة على قلب بحبهم كان ... مهووس

     مهووس لدرجه فقد عقله بحبهم خلاه أصبح...ملحوس

     ملحوس لدرجة العمى مشفش جوا قلوبهم...السوس

     سوس بينخرب ف قلبه ببطىء وكان عليه ...مدسوس

     مدسوس من ضماير ماتت لكن من ربك كان... محروس

     محروس لانه نظيف وطاهر لكن للأسف... منحوس

     منحوس لاختياره الغلط وأصبح من نفسه...مكسوف

     مكسوف لأنه ادي الأمان كتير ودلوقت أصبح عايش في ...خوف

     خوف من اي كلمة حلوه يسمعها بقى كله زيف وكلام...ملفوف

     ملفوف بورق سولڤان متذوق من بره وقت مايفتحها ياخد على وشه...كفوف

     كفوف تنزل وقتها من غير سبب ليه...معروف

     لأنه وقتها كان تايهه ف كلام معسول... ومرصوص

     مرصوص بدقة وبراعة لقلب خايب... موكوس

     موكوس لانه فاشل ف اختياره لكن اتعلم خلاص كل...الدروووس 

     دروس فادته وخلاص مش هسيب حد عليه تاني...يدوس

       بقلمي ((منى شحاتة))

جمهورية مصر العربية