ياريتو يفهم /الشاعرة المصرية المبدعه منى شحاتة
((ياريته يفهم))
مالك كده سرحانه على طول
شكلك كده بالك مشغول
بصراحه أنا نفسي أقول
بحب ياناس ومهووسه بيه
هتجنن شيء مش معقول
ف حبه أنا دايبه فيه
ولقلبه مش لاقيه وصول
بحبه وهو مايعرفش
والقلب أصبح... مذلول
ياما كلمته ومابيفهمش
عامل فيها كأنه ...جهول
طول الوقت أحوم حواليه
يمكن الأقي لقلبه...دخول
لكلامي مابيركزش
وبعتله الف... رسول
دا ف حبه كتبت كتير
وف وصفه ايه بس... أقول
من يوم ماشفت أنا عنيه
اتجننت أوي... عليه
ومن جماله جاني...ذهول
ليه بس سحرتني عنيه
وخداتني ليه بس إليه
دا لايمكن م القلب ..يزول
دعواتكم اوي اوي اوي ليا إني بقربه ف يوم ...أنول
ويارب يقربها ليا والأيام تقصر...ماتطول
وتقيموا الأفراح بقى ليا وتدقولي ساعتها...طبول
بقلمي ((منى شحاتة))
جمهورية مصر العربية
خيال شاعر
تعليقات
إرسال تعليق