مهرجانات /الشاعر المبدع أحمد ماهر ابو نورا.. شاعر الصعيد

مهرجانات  مهرجانات مهرجانات...... 

زعيق وصوات كانه فيه حد مات..... 

وناس خالعه برقع الحياء

شياطين بتتنطط علي صاجات..... 

لا مطربين ولاملحنين ولا كلمات..... 

مهرجانات... مهرجانات  مهرجانات....

.تسمع كلام يغم..... 

كله قلة حياء ويفور الدم... 

ووشوش غريبه كئيبه واخده غرز في أخلاقها بتترقص بسككين وسنجات..... 

وكله مبلبع وضارب دخاخين وسرنجات.... 

قمة الهمجيه والسلبيه

مرض وزرعوه في مجتمعنا احنا بالذات..... 

ضاع جيل  وضاع معاه فن أصيل 

بسبب ناس مهوسه.... 

اتقولش ملبوسه..... 

خلوها خلاص كلها سلطه وكوسه...

مرض وأنتشر مابين البشر

وتشم ريحته الكريهه في كل مكان فى  أفراح  وشوارع

وتكاتك وعربيات..... 

وعملولها شنه ورنه ونجوم بتلمع في ليل العار.... 

ودخلوها على اطفالنا الدار.... 

وملوا بيه التليفونات  والقنوات..... 

مهرجانات  مهرجانات  مهرجانات...... 

احمد ماهر ابو نورا

شاعر الصعيد