أحلام البنات /الشاعرة المبدعه ناهد الجمل
أحلام البنات
""""""""""""""""""""""""""
انا مين ومين انا
انا بنت عدت العشرين
بكام سنة
حلمى لسة عالشجر
وحصاده باقى عليه كام سنة
بحلم وبسبب أحلامى
جرى لى ما جرى
كل أملى أملا الكون
سعادة وفرح وهنا
لكن فى ناس
كارهالى الخير
و كارهانى انا
عايزين يحبسونى فى قفص
وزى الطير انا لو أتحبس
يحزن ويبطل عُنا
أصلى بعشق الحرية
زى طير البرية
وكمان وردة مندية
ألوانها زاهية ندية
فاكرين لو قطعوا عليا
الماية هموت من العطش
ما يعرفوش أنى زى
القطط بسبع أرواح
هقوم وأعافر وأدور
على حلمى من تانى
ما أنا حسبى ربى
وإيه كنت أخد من البشر
انا جاية يابكرة
وخلى بالك منى
اوعى تقول دى كسرها حلم
وكبرها كام سنة
دا لا عاش ولا كان
اللى يكسرنى وفى حمى ربى انا
دا انا كل واقعة بتقوينى
حلمى مش هتنازل عنه
مادمت عالخير ناوية
هصبر عليه وأتحمل
ما أنا أصل عنيدة
وحلمى هوصله ولو بعد
مييييت
سنة
ناهد الجمل
تعليقات
إرسال تعليق