عرفة ياأمي /الشاعرة المبدعه د. نجوى رسلان
عَرفه يا أمي حلمت بإيه؟
حلمت بإيدك جيَّه عليَّ
وبتسقيني شوية ميَّة
فيها الخير والحنية
حلمت بلمسة تلمم فيَّ
كل آلام الدنيا تروح
لما ناديتك قُلتِ عينيَّ
ولا كان يوم فيَّا جُروح
ما أنا بحنانك كده مدَّفي
ولا محتاج لغيرك أبوح
عَرفه يا أمي
نِفسي في إيه
أشبِّك إيدي جوه جليبك
أبني آمالي معاكِ صروح
أجري وأباهي بيك الدنيا
ما انا من غيرك طير مدبوح
عرفه يا أمي
إيه كان فارق وإنت بعيد
إن القلب في دقته سارح
كان بيفكر
إزاي بعدك يطرح عيد
إوعي يا عيني تكوني كدّابة
أمي معايا في كل عبادة
هم بيحكوا عليها بكانت
وأناعيشاها في كل سعادة
أصرخ صرخة مش معتادة
ليه الحلم مالُهشِي إعادة؟
#نجوايا
تعليقات
إرسال تعليق