كفاية عليك /الشاعر المصري المبدع د. السيد علي القن
((( كفايه عليك )))
حلفت يوم مانتقابل
اشيلك جوه نن العين
أخبي دموعي واتحمل
وأمسحهم ع الخدين
تقولي بشوق وحنيه
واحشني كتير يانور عيني
كفايه عليك كده تسافر
كفايه عليك كده مهاجر
كفايه تروح كده و تيجي
سنين ضاعت علي قلبي
سنين ضاعت وانا وحدي
اقوم أبكي ف نص الليل
وقلبي حزين ب يتألم
وخدي من البكا معلم
كفايه عليك كده تبعد
كفايه حرام كده تعند
وليك عندي كتير حكايات
ونفسي اقعد كده وياك
واحكيلك عن اللي فات
ونفسي اسمع كلام منك
يداوي كتير من الأهات
ويروي شوقي انا وقلبي
كفايه غربه عن روحك
تعالي وطيب جروحك
وطفي شوقي أنا ف شوقك
يافايت قلبي بالسنوات
أنا محتاجه ليك تدفيني
ف برد الوحده بالساعات
تعالي و ضمني لقلبك
وهات همي علي همك
و ريح قلبي م الآهات
كلمات الاديب الشاعر.د./السيد علي القن
تعليقات
إرسال تعليق