أوبريت.. في المزاد /الشاعر المصري المبدع شاذلي محمد عبدالرحمن حسين
♡♡♡♡♡♡♡ أوبريت غنائي ♡♡♡♡♡♡♡ ♡♡♡♡♡♡♡ في المزاد ♡♡♡♡♡♡♡
البائع : يلا نفتح المزاد
عد يابني . وقول ياواحد
كله ييجي . يشوف وياخد
يلا قول . إتنين كمان
هاتلي يابني . الميزان
والتلاتة . جات وراهم
يلا نبدأ . الكلام
( ألا اونا . ألا دوا )
وإبتدينا . البيعة .بدري
إبتدينا . نبيع رجولة
قوة . مفتولة . وبطولة
المشتري الأول:
هاتلي منها . اتنين ياعم
أصل جسمي . نص . كم
عندي ناس . في حارتنا . لازم
ياخدوا . علقة . في التمام
وأمشي . قدامهم . فتوة
وكله . يسمع الكلام
هو ده . معنى الرجولة
هامشي . ماسك . اللجام
الحكيم :
عندي كلمة
لو سكت . ياناس حرام
هو فيه جسم . في بلدنا . عاش ودام
بكرة يابني . الجسم يمرض . والحقن . تبقى بجرام
فكر إزاي . تستفيد . بالرجولة . في السلام
تبقي دهر . لكل واحد . تبقى دفعة . للأمام
البائع :
حد عايز منها تاني
الحكيم :
لا كفاية الكل فاني
البائع :
( ألا أونا . ألا دوا )
يلا هاتلي . تاني صنف . ويا سلام
عندي أحلى . نوعين تلاتة
من الحرام
حد نفسه . في حاجة . منهم
يلا . نسمع .الكلام
المشتري الثاني :
انا عايز . هات كتير
خدنا . إيه . من الضمير
حقي هاخده
ولو هاكون .قاتل . قاتيل
مش مهم . إزاي . وليه
المهم
يبقى معايا . فلوس كتييير
الحكيم :
بَسْ . بَسْ
يا ١٠٠ ندامة . ع العوام
دنيا رايحة . ف داهية . بدري
من الحرام
كان زمان
الكل عايش . في إنسجام
بس لما . الحق ضاع
ضاع معاه . كل الوئام
والحياة . كَتّرنا فيها . م اللؤام
والفقير عايش . لوحده . في الزحام
أاااااااه يا دنيا . اي حاجة . نقول بكام
يتبع ،،،،،،،،،،،،،،،،
♤♤♤♤♤♤♤♤♤♤♤♤♤♤♤♤♤♤
الفصل الأول من أوبريت ( في المزاد )
إنتظرونا قريبا بإذن الله في باقي أجزاء الأوبريت
كلماتي / شاذلي محمد عبدالرحمن حسين
تعليقات
إرسال تعليق