سلام يامصر /الشاعرة التونسية هاجر عوني
من محاولاتي البسيطة😊
سلام يا مصر
صحيح انا مش مصرية
بس عندي عرق صعيدي
ودا مش بإيدي
من وانا صغيره
كنت بأعيش في " قصر الشوق"
وألعب غميضه "بين القصرين"
ياما جريت في "زقاق المدق"
وقلبي من الفرحه بسرعه يدق
كنت لما أشفهم يشربوا عرق سوس
باحس بحلاوته في لساني
وأقول يا طَعَمته ...آه ياني
زرت كثير "السيده زينب"
ودعيت فيها لربنا
ولما اعطش أشرب من "الحسين"
وبعدين ماعرفش انا فين
ألاقي نفسي كبرت
وبأتمشى عند
النيل
أنا وحبيبي لحد الليل
كانت بس النجمة الي شيفانا
وسمعَه غنانا والمواويل
كنت راكبه ويا "العندليب"
دا كلامه في القلب يصيب
لحد ما وصلت اسكندرية
ولفحت وشي النسمه البحريه
أكلت ريحة السمك المشويه
وانا بآقول كمان شويه
رغم إني مش مصريه
بس الطبع غلاب
وقلبي وقلبهم أعز أصحاب
وأحلى سلام ليكي يا مصر
هاجر عوني.تونس
تعليقات
إرسال تعليق