اعرف حجمك /الشاعرة المبدعه سوزان محمد
إعرف حجمك
========
إعرف حجمك يابن آدم
انت فِ الكون تِسوَى ذره
و انت لو مانتاش مصدق
بص على حجم المجرَّه
إنت من لحظة ميلادك
رِجل جوَّا و رِجل برَّه
بُكرا هتقابِل حسابك
ع المَسرَّة و ع المضرَّه
لما تستقبل كتابَك
إما درَّه و إما جمره
إنت فِ الدنيا مُخَيَّر
و انتَ حُر و إنتِ حُره
طول ما قلبك لسه عايش
لسه فرصه مستمره
راقِب الأعمال كوَيِّس
و ابقَى فكر ١٠٠٠ مره ... #بقلمى #سوزان_محمد
تعليقات
إرسال تعليق