الدم بقى مية /الشاعر المصري المبدع صبري رسلان
الدم بقى مايه (482)
.................
فرحه غايبه ودنيا تانيه
عايشه أداري
دموع عينيه ..
من اللي فرح واللي جرح
كسروا خاطري
وغدروا بيا
مش كفايه أقر وأبصم
وأعترف ما في حق ليا
ما اللي مني زرع
لي شوكه
كلهم جايين عليا
إنخدعت في زيف قلوبهم ما أداروش
يوم باعوا فيا
ليا حق وقال مليش
والبنات ملهومش عازه
فى الميراث ما تفكريش
شرعنا حقك جوازة
وفى جنازتك متر خيش
خالفوا شرع الله
في أرضه
نكروا حقي
فى إني أعيش
يوم ما قلبوا الدم مايه
قالوا حرب وصف جيش
والعداوة في نارها قايده
بالسنين ولا تنطفيش
قولت عزوة
ودول خواني
هنسي حقي
وما أشتكيش
بقلم .. صبري رسلان
تعليقات
إرسال تعليق