لحم الغلابة مر /الشاعر المصري المبدع شاذلي محمد عبدالرحمن حسين
●●●●● لحم الغلابة . مر ●●●●●
لحم الغلابة . مر
بيدوق تملي الوجع
وبردوا مره يمر
عايش في دنيا البدع
ولا شافش شيء بيسر
بنار الآهات اتلدع
وهمومه جرها جر
ممكن يا زمن البدع
ترسالوا يوم على بر
ويعشلوا لحظة وسع
يعرف مكان السر
ماهو مهما شاف الخدع
واقف وتد . وبجدر
ولا عمره خان الجدع
ولا شال في قلبه الشر
على قد حاله ورفع
راس الكرامة بصبر
و لو هيضرب ودع
ماحلمش غير بالستر
قطر الحياة مندفع
ونهايته حفرة وقبر
واياك تموت من الفزع
واوعاك تعيش بالذعر
عافر ودوس ع الوجع
حلّي ف مرار المر
●●●●●●●●●●
شادوليات
شاذلي محمد عبدالرحمن حسين .
تعليقات
إرسال تعليق